عنيده

كلمات – نهلة مقلد:

إمتى يافرح تتحنى رموشى بيك
ويجى نسيمك يتهجى حروفى فيك
وينسى القلب أحزانه وجرح ماضيك
أنا إللى الحزن كان حالى فى طول لياليك
وورق الشجر كساه دمعى من وجع أغانيك
تعبت الخطاوى كتير فى مشواري إليك
وإنت يافرح ناسينى وموجوع قلبى عليك
ياضلى الحزين
يادوامة السنين
ياكل كلام المجروحين
بحلم بشمس تشرق تقوينى ياحزن عليك
وأجرى فرحانه بنورها وف إيدى وردة تيوليب
بعشق الورد طول عمرى لكن شوكه جارحنى أكيد
ولاهايأس ولا أتنازل وهاافضل فى حلمي عنيد
ومهما كانت قسوتك يازمن وكانت أنفاسي تنهيد
لاهايأس ولا أتنازل وهاافضل فى حلمي عنيد
وروحى وتعالى ياليالى
ويتغير كتير حالى
لكن عن أصولي عمري ماأحيد
ولا تكسرنى أحزانى ويفضل قلبى إسمه جريء
ولا هايأس ولا أتنازل وهاافضل فى حلمي عنيد