مصر البلد الاخبارية
جريدة - راديو - تليفزيون

“علاء ” يبرز جمال الشارع المصرى بعدسة كاميرته

5

يارا البسيونى:

 

إعتاد الشاب المصري علاء أشرف المشهور بأسم “علاء لوكا”، تصوير لحظاته السعيدة بشكل يومى وإستمر فى توثيق لحظاته بشكل إحترافى من خلال إستخدام هاتفة المحمول، حتى إكتشف عشقه للتصوير وإتخد هذه الهوية، مهنة له وقام بشراء كاميرا ليبرز جمال الشارع المصري.

الشاب علاء أشرف، كلية الحقوق الفرقة الرابعة.

 

وفى حوار خاص ل”مصر البلد الإخبارية”، أكد “علاء” على الكثير من الصعوبات التى واجهها أثناء الوصول لهدفه قائلاً “محدش ساعدنى أوصل بالعكس كان فى إنتقادات كثيرة فى الأول وإن اللى بعمله ملهوش لازمة، وكان لأمى الفضل هى الوحيدة اللى كانت بتشجعنى معنويا وماديا”.

تابع “فى الأول كنت بصور بموبايل ولدتى، ولما حبيت الموضوع وبدأت اطور من نفسى، قررت أجيب كاميرا وكلمت مصورين مشهورين يعلمونى وكانوا بيرفضوا ، وده موقفنيش بالعكس بدأت أعلم نفسي بنفسي من خلال الكورسات، والحمد لله وصلت لمستوى كويس”

 

قد يهمك ايضاً:

مصر تفوز علي مالاوي بثنائية نظيفة بتصفيات أمم أفريقيا

مصر تتقدم علي مالاوي بثنائية نظيفة في الشوط الأول

بين الاقسام 1

وشارك “علاء” بعدد من الصور فى الشارع المصري وقال “أنا بدأت فى تصوير الناس فى الشارع، والموضوع كان صعب فى الأول عشان الناس بتخاف إنى أعمل حاجة بالصور، لحد ما أفهمهم ان الصور دى بغرض إن أفرحهم وتوثيقاً لأسعد مواقف ليهم”.

أكمل الحديث “أخر فترة حبيت أعمل حاجة جديدة، وعملت فكرة أسمها (حكاوى الشارع المصرى)، وهى عبارة عن فيديوهات الناس من خلالها بيحكوا مواقف حصلت فى حياتهم، وكانت الفكرة دى غرضها إن أقرب الناس ببعضها، ومنهم ناس بتكون محتاجين مساعدة، ومن خلال الفيديو اللى بنزله على صفحتى الخاصة فى موقع التواصل الاجتماعي، بيوصل الفيديو وناس بتقدر تساعدهم ودى أكتر حاجة مفرحانى”

 

وعن أكثر المواقف تأثيراً عليه قال” أكتر موقف أثر فيا أثناء التصوير، إني كنت بصور مع شخص في الدرب الأحمر، وقالي كلام صعب، انه تعب جاله قصور في عضلة القلب ومراته سابته وعياله محدش سئل فيهم، انا وصل بيا الدرجه اني عيطت وانا بصور”

يطمح “علاء” فى أن يكبر فى مجاله، وتصل فكرته لأكبر عدد من المتابعين، ويساعد الشباب فى تعليم التصوير بالمجان، ويظل أفضل صانع محتوى ومؤثرا على الشباب”.

التعليقات مغلقة.