مصر البلد الاخبارية
جريدة - راديو - تليفزيون

عجينة البيتزا المظبوطة “اكلات رمضان”

11

 

عجينة البيتزا المظبوطة
المقادير دى لعمل اثنين بيتزا لارج أو ثلاثة بحجم وسط

٣ كوب دقيق (الكوب ال٢٥٠مل مج الشاى)
معلقة صغيرة ملح
معلقة كبيرة ممسوحة سكر
معلقة كبيرة خميرة فورية (أو كيس جاهز)
معلقه كبيرة مليانة بيكنج بودر
رشة ڤانيليا خفيفه (هتدى ريحة وطعم الخبز الاحترافي )
٣ معالق كبيرة زيت
كوب زبادي الحجم العادى (١٢٥مل)

قد يهمك ايضاً:

“المرأة وإحياء التراث” في ملتقى تدريبي بهيئة…

▪️نخلط المكونات الجافة الاول كلها كويس جدا عشان نوزع مواد الرفع

▪️ونضيف الزبادى والزيت ونعجن بمية أو بمية مخلوطة بحليب (السوائل مالهاش مقدار محدد هنضيف شوية بشوية لغاية مانحصل على عجينة ناعمة ومطاطية ومش بتلزق فى الايد)

▪️نبل إيدينا زيت ونغلفها من بره و نغطيها كويس عشان ماتعملش قشرة ونسيبها تخمر وقت مناسب ( مش اقل من ٤٥ دقيقة)

▪️بعد ما تخمر نقسمها كور على العدد اللى هنعمله من البيتزا ونسيبها ترتاح ١٠ دقايق تانى عشان تبقى سهلة معانا في الفرد..
▪️بعدين نبتدى نفردها على رشة دقيق ولو كان دقيق سيمولينا (بتاع البسبوسة) يبقى أفضل
نرصها فى الصوانى ونخرمها بالشوكة ونضيف الصلصة والمكونات وندخلها الفرن على الشبكة فى النص
لازم الفرن يكون سخن من قبلها بحوالى ربع ساعة على درجة حرارة ٢٢٠ بتاخد تلت ساعة تقريباً وتبقى استوت

التعليقات مغلقة.