مصر البلد الاخبارية
جريدة - راديو - تليفزيون

رسالة عبر الفيس أبكت الجميع من وكيلة مدرسة تنعى فيها الحارس الذى لقى مصرعه أثناء القبض على حرامى بدسوق

32

كتب – ابراهيم الملاح:

رساله باكيه عبر مواقع التواصل الاجتماعى الفيس بوك كتبتها وكيلة مدرسة كفر ابراهيم الابتدائيه الاستاذه اسماء جابر الصياد عبر صفحتها تنعى فيها حارس أمن المدرسة والذى استشهد اثناء القبض على حرامى حاول سرقه المدرسة أثناء الوردية
قالت فيها:
كنت بتودعنا كلنا يامحمد لأول مره من ١٥ سنه انت الى تقولى هتعملي الرحله امتى يلا اعمليها انا جى معاكى قولتلك هعملها بسرعه خلال الاسبوع ده بس بجد هتيجى قولتلى ايوا والله هاجى كل مره كنت أنا إلى بقعد اتحايل عليك واقولك تعالي معانا دا الرحله متنفعش غير بيك يامحمد وتحضر كل حاجه واتخانق معاك علشان اخد انا الجبنه الحادقه فى الاخر ونركب الملاهي سوا وتقولى لازم نركب كلنا الغربال وناكل فى طبق واحد المره دى كل ماتيجى تقوم علشان تمشى اقولك اقعد معانا شويه انت مستعجل ليه اقعد بس تقولى علشان اسلم على الناس فوق كنت اخويا الصغير يامحمد كنت راجل فى كل المواقف الصعبه نلجأ ليك صعب عليا اشوف إلى حصلك صعب عليا تكون معايا بتكلمنى وفى لحظه تروح انا حاسه انى بحلم يامحمد وانت موجود مروحتش هتدخل علينا بأبتسامتك إلى بتفرح قلوبنا دانت بتكلمنى وانت فرحان وبتقولى انا مسكت الحرامى وحابسه لحظات وكنت عندك يامحمد والله مااتأخرت تقوم تسيبنا كدا وتمشى وتختارنى انا بالذات اكون معاك وقتها وافضل العمر كله شيفاك ادام عنيا والله يامحمد لازم حقك يرجع وحق ولادك إلى اتولدوا على ايدينا حسبي الله ونعم الوكيل.

قد يهمك ايضاً:

أسواق السعودية تستقبل البصل المصري

“بن جفير” يطالب نتنياهو بفرض عقوبات على السلطة…

التفاصيل عندما تلقى اللواء إيهاب عطية، مدير أمن كفر الشيخ إخطارًا من اللواء أحمد نزيه، مدير المباحث الجنائية بمديرية الأمن يفيد بتلقي مركز شرطة دسوق إشارة من نقطة شرطة مستشفى دسوق العام بوصول محمد مصطفى أبوالهوى 37 عامًا حارس أمن مدرسة ويقيم بقرية كفر إبراهيم التابعة لمركز دسوق مصابًا بطعنة في الجانب الأيسر، وتوفى لدى وصوله المستشفى متأثرًا بإصابته.

التعليقات مغلقة.