مصر البلد الاخبارية
جريدة - راديو - تليفزيون

” النداهة “

2

بقلم – محمد البنا:
خلاص دوبنا
نهار عاشق يفرّقنا
ويحرقنا
ف جحيم الشوق
وطوق كبّل ف أحلامنا
خلاص تاهت ليالينا وأيامنا
وعدّى العمر بين أحلام وبين أوهام
ووقّفنا سنين ع البر
ويحرم بحر…م الأمواج
متاهة ما عاد يفيد فيها
دموع أو صبر
تعالي لليلة ندّاهة
وللآنّة وللآهة
ما دام مكتوب هنتلاقى
بنهرب ليه ؟
وليه يبقى ف إيدنا الشهد ونحاول
ندوق المر
ونستطعم مرار الدمع
يضيع العمر ف الأوهام
كلام ف كلام
وف عيونّا
نيران الشوق بتنزف جمر .
بنهرب ليه ؟ …بنهرب ليه ؟ .

قد يهمك ايضاً:

مهرجان دبي للكوميديا 2024 يستضيف مجموعة جديدة من نجوم…

تعاون استثنائي بين “دو” و”شاهد”…

أوراق قديمة

اترك رد