الست المصرية

بقلم – نهلة مقلد:

نائب رئيس التحرير

قالو عنها كلام كتير
فى البراءة والقلب الكبير
قالو شاطره وقالو جدعه
وقالو فى الصبر مالهاش مثيل
قالو فى الشده أسد
وفى الشراسه بيتكتب عنها أساطير
قالو كدابه فى غضبها
وحنيتها بتتغنى مواويل
قالو وقالو كلام كتير
ولو عن جمالها وأناقة لسانها
عزفت سمفونيته الطير
قالو هى الست أمى
وأختى وجارتى اللى كانت فى البيت القديم
هى البنوته حبيبتى وصديقتى اللى كنا
سوا فى مدرج ج
بهيه أم العيون حلوين
السمره والخمرى أم الضفائر مجدولين
اللى إدت الحب الغير مشروط
وقاومت وحاربت وعدت الحدود
النهارده بقولك كملى
واعدلى بخطوتك الميزان المعووج