” بحبك أوي ي أعظم أب وفنان ” .. رسالة مؤثرة للنجمه دنيا سمير غانم في ذكري وفاة والدها

سارة عبدالدايم : 

بكلمات مؤثرة نشرت دنيا سمير غانم، عبر حسابها الشخصي على تطبيق تبادل الصور إنستقرام، صورة للنجم الراحل وعلقت عليها: “بابي حبيبي أنت في كل لحظة معايا، بحبك أوي يا أجمل وأعظم أب وفنان في الكون، ربنا يرحمك يا رب ويسعدك ويدخلك فسيح جناته .. العالم كله هيفضل فاكرك و هيفضل فاكر موهبتك العظيمة اللي مفيش زيها يا مصدر سعادتنا في حضورك وفي غيابك نسألكم الفاتحة #سمير_غانم”.

 

كلمات إيمي سمير غانم في ذكري وفاة سمير غانم

أما النجمة إيمي سمير غانم، فاستعادت ذكرياتها مع والدها في الذكرى الأولى له بكلمات مؤثرة، ونشرت صورة جمعتهما معاً وعلقت عليها بكلمات: “النهارده الناس بتقولي معلش يوم صعب عليك، مايعرفوش ان كل يوم صعب عليا، بابي حبيبي أنت النفس اللي بتنفسه ولما بنام وأشوفك والله بصحي اضحك لوحدي .. ربنا يغفر لك يا رب ويفرحك في الجنة إن شاء الله زي ما فرحتنا في حياتك.. بحبك من قلبي للأبد نسألكم”. الفاتحة”.

وشارك الإعلامي ” رامي رضوان ” على صفحته الشخصية بموقع فيس بوك رساله مؤثره في ذكرى رحيل الفنان ” سمير غانم ”
مش عارف ازاي وامتى عدت سنة والله
وحشتونا قوووي يا اطيب قلب واخف روح حضرتك وأحلى ديدي. يا رب تكونوا مبسوطين ومرتاحين ومتهنيين.
ربنا يجمعنا بكما في الجنة يا رب.

نسألكم الدعاء لهما وقراءة الفاتحة على روحهما الطاهرة.

وكانت آخر رسالة لإيمي سمير غانم لوالديها قبل الذكرى الأولى لرحيل النجم الكوميديان، صورة نشرتها عبر حسابها الشخصي لهما، وعلقت عليها بكلمات: “محتاجاكوا قوي، شكلها كده الدنيا مش هتكون فيها أيام حلوه من غيركوا.. نفسي أشوف بس ضحكتك يا بابي أو مامي تديني قوة علي مشاكل الحياة ومسؤوليتها
حقيقي أنا ولا حاجة من غيركوا الحمد لله علي قدر ربنا وربنا يرحم يا رب كل أم وأب بناتهم محتاجينهم زي دلوقتي”.

الجدير بالذكر إنطلاق اليوم الدورة السبعين لمهرجان المركز الكاثوليكي للسينما وتشهد تلك الدورة عدد من التفاصيل والمتغيرات التي لم تتواجد في السنوات السابقة.

ويشهد حفل الافتتاح تكريم خاص لاسم الفنانين الراحلين سمير غانم ودلال عبد العزيز خلال حفل افتتاح المهرجان والمقرر إقامته يوم الجمعة 20 مايو 2022، على أن تتسلم هذا التكريم ابنتيهما الفنانة دنيا سمير غانم، كما تكريم الفنانة سميرة أحمد.