مدعوم من 
بعد نجاحها في ” مربوحه ” .. رحمة أحمد تعلق أنا من فانز دنيا سمير غانم
سارة عبدالدايم :
نجحت الفنانه رحمة أحمد في تقديم شخصية مربوحه في سادس أجزاء مسلسل ” الكبير اوي 6 ” حيث نالت إعجاب الجمهور وخاصة بعد عرض الحلقة الخامسة من المسلسل ، لا سيما أن ذلك وضعها في مقارنة مع دنيا سمير غانم، التي قدمت شخصية “هدية” زوجة “الكبير”، في الأجزاء السابقة.
كما أوضحت الفنانه رحمة أحمد عن رأيها في المقارنه بينها وبين الفنانه دنيا سمير غانم عبر صفحتها على موقع فيسبوك وكتبت: “أنا مش عارفة أعبر عن احساسي بالامتنان.. الحمد لله والشكر لله أي حاجة حلوة حصلت، أو اتقالت لي ده كرم كبير أوي من ربنا يمكن أكبر من اللي استحقه.. عاوزة أقول ٣ نقط”.
واضافت” الأولى “، وهفضل أقول البوقين دول كل ما حد يشاور النقطة دي، إن فنانة زي دنيا سمير غانم لا تقارن بأحد، أنا مش حد خالص، أنا من فانز دنيا سمير غانم، لأن لو اتحطينا في مقارنة من المؤكد إني أنا اللي هابقى خسرانة”.
وتابعت ” الثانية “، بعد توفيق ربنا، إن فنان زي أحمد مكي يدي مساحة لحد يقول حاجة مبتحصلش من أي فنان موجود ع الساحة.. الراجل ده عنده اللي يكفيه وزيادة إنه يسيب فنان قدامه يقول وهو سايب ايده.. مهما اتكلمت عنه مش هوفيه حقه فنيا ولا إنسانيا”.
كما عبرت أيضاً عن امتنانها لمخرج العمل حيث كتبت ” المبدع أحمد الجندي ميتخيرش عنه، يسيبك تقول ويعليك ويركب لك شغل، وذكي يعرف يطلع ضحك من أي شخصية ويحطها في مكانها الصح”.
قد يهمك ايضاً:
“الثالثة ليك إنت يا حبيب قلبي، أخويا الكبير الداعم المستمر بكل الطرق، صادق في فرحته، أنا مهما حكيت ع اللي عملته معايا عشان أوصل إني أبقى في عمل من أهم الأعمال في رمضان مش هيكفي فيك كلام، شكرا أحمد أمين الأخ والفنان والإنسان إنك دايما جنبي”
كتبت أيضاً رحمة أحمد معبره عن امتنانها حيث وجهت الشكر لكل من ساندوها ” أحمد أمين، أحمد مكي، أحمد الجندي، إنتوا مكسب لأي فنان ولأي شخص وبشكر ربنا دايما إن ربنا كتبلي إني اعرفكم، وشكرا لأي حد دعمني حتى لو بكلمة كويسة وبالأخص صلاح الدالي، فنان هياخد حقه كويس جدا ويستاهل أكتر بحبك يا صلوحة، شكرا لأي حد وقف جنبي واللي اداني ضهره وربنا لأوريك”.
موعد عرض مسلسل ” الكبير اوي 6 “
الكبير أوي 6″ للفنان أحمد مكي، يعرض في الساعة 6:20 مساء، على أن يعاد في الساعة 1:50 بعد منتصف الليل و2:00 مساء اليوم التالي
الأبطال
مسلسل “الكبير أوي 6” من بطولة أحمد مكي، هشام إسماعيل، رحمة أحمد، محمد سلام، بيومي فؤاد، ليلى عز العرب سماء إبراهيم وغيرهم من النجوم، المسلسل من تأليف وإشراف عام على السيناريو والحوار مصطفى صقر ومحمد عز الدين، إنتاج سينرجي، إخراج أحمد الجندي.
التعليقات مغلقة.