مصر البلد الاخبارية
جريدة - راديو - تليفزيون

كيفية إعداد المنزل من قبل رمضان

1

كتبت رشا الشريف

افكار كتير خدي الي يناسبك واحتسبي الاجر وتفريغ الوقت للعباده برمضان فرمضان شهر عباده لا عمل ولا طعام ولاخبيز ولاتنظيف العيد  وكل عام وانتم بالف خير 

 

ابدئي بتنظيف وترتيب أدوات المطبخhttp://أدوات المطبخ قبل رمضان، ودا هيديكي جو جميل بالمطبخ، يذكرك انك برمضان ويحسن نفسيتك ويشجعك علي العباده برمضان

 تغيير مفارش الأدراج 

غسل الحائط والسراميك للتخلص من الزيوت، نظيف الشفاط سن السكاكين زيادة عدد الأكواب المستخدمة في العصير اليومي قبل الإفطار، شراء علب لتوزيع افطارات الصائمين

افرشي فرش جديد للبوتجاز وظهريتهن ظفي الثلاجة والديب فريزر وعيدي ترتيبهم لتخزين ما تحتاجينه في رمضان

1- أشتري كيس مسحوق كبير عشان هيبقي في غسيل ستاير وسجاحيد وهدوم ومفروشات كتير وكمان سعره هيتشال من عليكي وكفايه مصاريف الاكل ولبس العيد

 

2-اشتري فيري او سائل أطباق اكتر من ازازه عشان ما تحتاجي تنزلي مخصوص وطبعا ما فيش اكتر من المواعين في رمضان

 

3-هاتي لبس الولاد للعيد والوقفه من دلوقتي لان الاسعار بتغلي وبتبقي الجوده أقل وطبعا ده غير الزحمه

 

4-الستاير والسجاجيد اغسليهم ضروري من الان بدل ضياع الوقت بالعشرة الاواخر والنظافه تعينك علي العباده برمضان و تتغسل وتتركب اوتتشال اغسليها وشيليها جاهزه ع التركيب( قبل رمضان باسبوع او العيد حسب نظامك)

 

ضروري تجيبي حاجه حسب استطاعتك تحسسك ان في تغيير بالبيت تفكرك انك برمضان ع النظافه الشامله مثل مفارش سراير او صالون او تسريحه ومكتب وهكذا

 

5-رتبي دواليب الملابس ودواليب المطبخ والنيش (قبل رمضان بيومين او ثلاثه )

 

6-شوفي هتحتاجي ادوات مطبخ جديده او غيره جهزيها

 

7-تفريز الاعشاب ذي البقدونس والكزبره والنعناع والكرفس لانهم بيأخدوا وقت ف التنظيف والفرم يبقوا جاهزين ع الاستخدام بعملها مكعبات

 

8-تفريز مكعبات جزر للطبخ وجزر مبشور للسلطه والتتبيلات

 

9- فرم كمية ثوم وتفريزها وتاخدي منها بالمعلقه سريعه وجاهزه على طول وكذلك الزنجبيل واي عشب هتحتاجيه

 

11-عمل كمية من الصلصه ( التسببكه) من غير بصل ولا ثوم وتفريزها اكياس صغيره على أد الاكلات هتوفري وقت وجهد برمضان

 

12-عمل عصاج اللحم عشان الرقاق والجلاش والبيشاميل وغيره وتفريزها

 

13-عمل كميه من خلطة الدجاج لحشو السبرنج رول والسمبوسه وغيره وتفريزها

 

14-تجهيز عجينة السمبوسه وحشوها بحشوات متنوعه وتفريزها وتبقي جاهزه ع القلى لحد ما تغرفى الاطباق (قبل رمضان باسبوع)

 

15-تفريز كمية ورق كرنب و ورق عنب جاهز ع الحشو اي وقت تلاقيه متوفر وسعره مناسب بيفضل لحد سنه ذي ما هو

16- تجهيز كمية من خلطة المحشي وتفريزها اقصد الصلصه مش الرز طبعا

 

17-أعملي كمية من الفول المدمس وعجينة الفلافل والقلابه وقسميهم أكياس وفرزنيهم (قبل رمضان بيومين)

 

18-عمل كميه من مكعبات الليمون والبرتقال للاستخدام لعصائر الافطار برمضان

 

19- سيحي الزبده و حوليها سمن وحطيها في علب ف الثلاجه

20- تفريز كمية من البطاطس نص مقليه او نص مسلوقه

 

21- خبز كميه رقاق او تشتريها براحتك بخبزه قبل رمضان باسبوعين

 

قد يهمك ايضاً:

التعادل الإيجابي بهدف يحسم نتيجة لفاء طنطا وشبين الودي

محافظ الدقهلية يؤدي صلاة الجنازه ويقدم واجب العزاء لقائد…

22-تجهيز كمية من الشيره (شربات الحلويات) خفيف وتقيل

 

23-تجهيز كميه من صوص الشيكولاته هنحتاجه في بعض الحلويات وصوصات حلويات بعسل الجليكوز ومعاه بودره عصائر مخلوطه تعطيكي الصوص حسب العصير المضاف

24-تجهيز كميه من صوص التوفي لبن بودر وزبده وفانيليا وبس شوفي طريقه ايه حبيب باليوتيوب حلوة اوي ومجربه

25-المكسرات جهزيها متقشره كل نوع لوحده في علبه مقغوله وع الثلاجه

 

27-تجهيز كميه من الطحينه زيت ودقيق وسمسم

 

28-أطحني كميه من كل التوابل اللي بتستخدميها وخليها جاهزه

 

29-اطحني كميه من السكر عشان هنحتاجه في بعض الحلويات

وكمان لكحك العيد والبيتيفور واشتري كميه سكر

 

30-جهزي أطباق كفته وكبه وفرزنيهم وطلعيهم ع التسويه

 

31-خلي عندك مجموعه متنوعه من الاطباق البلاستبك الديسبوزالول عشان لو عزومه كبيره

 

32-جهزي كميه من مكعبات مرقة الدجاج بس هي مضره جاهزه اعمليها من الشربة بالبيت والتوابل

 

34-فرزني كميه من عصاير طبيعيه جاهزه ع الشرب على طول

 

35- الفراخ واللحوم قسميهم على أد أستخدامك أكياس مغسلوين تخرجيهم ع الحله

36- جهزي تتبيلة السمك والسي فوود وفرزنيها

 

37- جهزي البانيه متقطع ومتقسم أكياس وكذلك الشاورما متقطعه وبس تتبليها ف دقايق

 

38- الفلفل الأخضر والأحمر افرمي شويه من كل نوع وفرزنيهم وخدي منهم بالمعلقه لاي أكله أو سلطه

 

39-لو الارز محتاج تنقيه نقيه وخليه جاهز ع الاستخدام

 

40- راجعي كل محتويات مطبخك وبيتك وشوفي ايه اللي ناقص هاتيه عشان ما تبقيش محتاجه تنزلي كل شويه وبالكتير تنزلي مرتين ف الشهر تجيبي خضار وخلاص

41- اعملي قمر الدين اول ما المشمش يظهر وفرزنيه اكياس

 

43- لو بتحبوا البيتزا والمعجنات اعملي كميه وجهزيهم ف اطباق ديسبوزابال وفرزني وطلعيه ع الفرن

44- هاتي الدقيق ولوازم حلويات وتسالي العيد قبل رمضان باسبوع

45- الخضار اللي هتحتاحيه نظفيه وفرزنيه اكياس جاهزه للاستخدام (باميه بسله فاصوليا قلقاس)

 

46- جهزي مخللات رمضان قبلها بشهر ع الاقل عشان تستوي على مهلها ف الثلاجه

47- لو عندك عزومات اعملي جدول لها حسب وقتك وظروفك وفي ورقه اكتبي كل عزومه هتعملي فيها ايه عشان تبقي مرتبه دماغك

 

48-خلصي اي مجاملات وراكي قبل رمضان وكفايه اوووي العزومات

49- جهزي جدول لوجبات افطار الشهر عشان مش كل يوم نقول هاااه هنفطر ايه

50- شوفي زينة رمضان اللي عندك باقيه هتنفع ولا لا وممكن تعملوا افكار للزينه انت واولادك بعد ما يخلصوا امتحانات وعلقيها قبل رمضان بيومين

 

  1. قبل كل اللي فات جددي نيتك للصيام وأحتسبي أعمالك كلهاأ، فطار صائمو، أعانه مسلم ع العمل، إماطة الاذى عن الطريق، اسعاد زوجك وأولادكو، خلي رمضان غير

 

التعليقات مغلقة.