كتبت – نهاد احمد
اجراءات معاش المطلقة و الأرملة؟
المعاش دة للواحدة المطلقة أو الأرملة اللى معندهاش معاش شهرى
بتروحى لمكتب الشئون الاجتماعية اللى يتبع منطقة سكنك
و معاكى الأوراق دى :-
صورة البطاقة الشخصية
فاتورة كهرباء أو غاز أو الاتنين (بتختلف من مكتب لاخر)
قسيمة الطلاق للمطلقة أو قسيمة الجواز و شهادة الوفاة للأرملة
صورة شهادة ميلاد ليكى و لو فى أولاد صور شهادات ميلاد ليهم (لازم كمبيوتر)
3 صورة شخصية ليكى
لو الأولاد فى المدارس ورقة من المدرسة بتفيد هما فى سنة كام ملاحظة :-
المعاش متاح لأى حد عندة اعاقة أى كان سنة
المعاش متاح لأى حد ظروفة المعيشية ضعيفة (بس دا بياخد وقت معاة )
المعاش متاح لأصحاب الأمراض المستعصية و المزمنة (بياخد وقت برضوا)
المعاش لأى حد يوصل ال 60 من العمر و مالوش معاشا المعاش بيكون 360 لو لوحدك و لو فى اولاد بيكون حوالى 460
بيطلع فلوس فى الأعياد و فى دخول المدارس حوالى 50ج و لا حاجة
بيتم الصرف من الشهر التالى لاستكمال الاوراق مباشرة