مدعوم من 
مش ليا
بقلم الشاعر – سمير الزيات:
بحبك وانت مش ليا
وباستغرب بحبك ليه
دلا بإيدك .. ولا ايديا
وأخرتها ف حبك إيه
بحبّك وانت قدامي
أمل دايب ف أوهامي
وأهرب من عيون الناس
لدنيا كلها إحساس
بلون الحب وردية
بترقص من حواليا
خسارة ،، وانت مش ليا
*
بحبك وانت مش داري
بحبك وانت مش مسئول
بحبك نار على ناري
بحبك حب مش معقول
وباحسب في الهوى جنة
هاعيش فيها وهاتهنّا
أتاري جنتك أوهام
وليل صاحي ومش بينام
بحـبــك والهـــوى فـيّـا
بيصرخ شوق وحنيّة
خسارة وانت مش ليا