مصر البلد الاخبارية
جريدة - راديو - تليفزيون

مؤسس “أمهات مصر” تشدد علي طلاب أولي ثانوي حضور أول إمتحان إلكتروني: “قيموا التجربة”

1

كتب – محمد عيد:

دعت عبير أحمد مؤسس اتحاد أمهات مصر للنهوض بالتعليم، جميع أولياء الأمور لتشجيع أبنائهم علي حضور أول إمتحان إلكتروني تجريبي المقرر عقده 24 مارس الجاري، لطلاب الصف الأول الثانوي في نظام الثانوية الجديدة.

قد يهمك ايضاً:

وقالت “عبير” لأولياء الأمور علي صفحة الإتحاد في الفيس بوك: “جدول أولي ثانوي نزل النهاردة والإمتحان يوم 24 مارس الجاري، أنا بدعوكم لتشجيع أبنائكم علي حضور الإمتحان علشان نقدر نقيمه صح ونشوف أوجه القصور فين، وهل الوزارة مستعده فعلا لإجتيازه أم لا، وسيبكم من الناس اللي بتدعو لمقاطعة الإمتحان وعدم حضوره، الدعوات دي ضد مصلحة أبنائنا، أتمني إن جميع الطلاب يحضروا ويخوضوا التجربة لربما يكون في مصلحتهم وربنا يكرمهم، وبعدها نحكم علي الإمتحان ونقول رأينا بصراحة”.

 

وتابعت: “وبالنسبة للناس اللي بتقول إن مفيش استعدادات نهائي ولا معلمين فاهمين، فأنا بقولهم التجربة الحقيقية جايه خلال أيام في إمتحان 24 مارس، وبالتالي خلونا نخوض التجربة ومش عايزين نرفض من أجل الرفض، وخلونا نتمني خير ونشوف بنفسنا علي أرض الواقع، ومش عايزين نحكم علي حاجة لسه مجربنهاش وقد تكون في مصلحة أبنائنا وقد تكون فاشلة، في النهاية خلونا ننتظر ونجرب ونخوض التجربة وربنا يوفق جميع أبنائنا”.

اترك رد