عاجل
- الربان وسام هركي : الشعب هو المتحكم و المراقب الأول و الأساسي في محاربة الغلاء بالجمهورية الجديدة
- السيسي يضع إكليلا من الزهور على النصب التذكاري للجندي المجهول وقبر السادات
- بروتوكول تعاون بين جهاز شئون البيئة ومؤسسة حارتنا المصرية للتنمية المستدامة
- اليوم..المصري البورسعيدي يواجه فاركو بالدوري
- تراجع مؤشرات البورصة بمستهل تعاملات جلسة منتصف الأسبوع
- أسعار الذهب اليوم ..عيار 21 يسجل 3155 جنيها
- التفكير النقدي أسلوب لتطوير أخصائي العمل مع المجتمعات ..ورقة نقاشية للدكتور محمود عطية
- كيف أعرف اني مسحور او محسود أو معيون؟ والعلاج
- ندوة توعية عن الصحة النفسية وإدارة الضغوط للطلاب اثناء الامتحانات بتجارة طنطا
- جزارة ابو عجوة تحارب الغلاء وتضرب رقم قياسي بسعر اللحمة البلدي ب٢٥٠ جنيه بزفتي
بقلم :مسعد هركي
رئيس المؤسسة المصرية النوبية للتنمية
قد يهمك ايضاً:
احنا اتغيرنا بسرعه جدا من ساعة ما خديجه سابت وسط البلد و راحت سكنت ف كومباوند ف التجمع و بقي اسمها ديجا و بقت بتقول علي الكاكاو هوت شوكلت و بتفطر ولادها بينز اللي هوه فول مع باتون ساليه اللي اساسا اسمه بقسماط و بتغديهم جرين سووب مش ملوخيه و بعد الغدا بياخدوا شاور مش دش ومن ساعة ما جوزها الاستاذ عباس بقي اسمه بيسو و بقي يقعد علي كافيه بدل القهوه و بقي يطلب كوفي ايشي تركش و اميريكان وايشي لاتيه و اكسبرسو بدل الساده و ع الريحه..وصاحبه عبده بقي اسمه بودي و بيطلب الشاي تي باج و ايرل جراي بعد ما كان بيطلبه كشري سكر بره… و يروح البيت يغير البوكسر اللي هوه اللباس اساسا وقبل ما ينام يطلب من شوشو بنته اللي هيه اساسا عائشه تعمل شوجر كريب يعني فطيره سكر…
احنا اتغيرنا من ساعة ما المصيف بقي ساحل و هايسيندا و مراسي بعد ما كان مراقيا و معموره و بيطاش و قنديل البحر بقي جيلي فيش و قرصته بقت Sun kiss و من ساعة ما ف الصيف بقي العري أوبن مايندد و الهدوم المقطعه بقت ستايل و المخدرات و السُكر بقوا روشنه و صياعه و كمان بقي عندنا سنجل مزر و ليبرل فازر و شباب فاكس ..
اتغيرنا من ساعة ما بقينا نقول oh my god بدل ما نقول يا دين امي و سمينا الحرنكش جولدن بيري و لقمة القاضي بقت greek donuts..
اتغيرنا من ساعة ما المهرجانات بقت اغاني شعبيه و السبكي بقي أكبر منتج و مرتضي منصور بقي رئيس نادي و مصطفي كامل بقي نقيب الموسيقيين…
احنا اتغيرنا من ساعه ما عايده بقت جايده و آيه بقت تايا و رانيا بقت هانياو هاله بقت تالا و ساره بقت تارا…
احنا اتغيرنا من ساعة ما البنات بقوا بيكراشوا علي الولاد و الولاد بيتموحنوا علي البنات و من ساعة ما الراجل بقي مُز والبنت بقت رجوله…من ساعة ما الوطنيه بقت تطبيل و التدين بقي تخلف و العادات الشرقيه بقت بيئه وسلامو عليكم بقت بلدي…
احنا اتغيرنا من ساعة ما الخلافات بقت اون لاين و الزعل بقي بلوك و الضحك بقي ايمو و العلاقات بقت سوشيال ميديا و كمان بقينا نكتب عربي بحروف انجليزي من باب الروشنه و اسمه الفرانكو عرب…
احنا اتغيرنا من ساعة ما شتيمة مصر بقي اسمها حريه
والتحرش بقي معاكسه
والقتل بقي عنف…
احنا اتغيرنا بمنتهى السرعه
المقالة التالية