د/ محمد موافي يوضح المعلومات الشائكة عن أنظمة ” الدايت “

كتبت / مريم بلوزة 

في بعض المعلومات المنتشرة عن الانظمة الغذائيه منها الصحيح ومنها الغير صحيح فكان لازاما علينا ان نوضح بعض المعلومات وتصحيحها لكي نلتزم بانظمة غذائيه صحيحه وبالتالي يساعد في حرق الدهون داخل الجسم بشكل آمن وصحي لتجنب بعض المشاكل الصحيه التي تصاحب الانظمة الغذائيه الخاطئه وعلشان يقدر الجسم يخس ويثبت وزنه بشكل جيد
● تناول براحتك وامشي كتير هاتخس
دي معلومة خاطئة طبعا
لان الدهون الموجودة في الجسم بتكون عبارة عن طاقة بتتخزن في الجسم وبالتالي يتم تقليلها او حرقها لازم يتحرق سعرات حرارية اكتر من المختزنة وده بيحصل بشكل مناسب مع حركة اكتر ( زي الرياضه وابسطها رياضة المشي )
وتناول كميات اقل من الطعام لخسارة افضل في الوزن
● مش لازم تفطر علشان تخس اسرع
معلومة خاطئة
لان وجبة الافطار من اهم الوجبات الغذائية اللي بيستفيد منها الجسم علشان الجسم يستمد السعرارت الحراريه الصحية اللازمه اللي بتمد الجسم بالطاقة اللازمة لممارسة النشاطات اليومية
وتناول الوجبه بشكل صحي بيزود من كفاءة عملية التمثيل الغذائي في الجسم وزيادة معدلات الحرق
كمان بيمنع من زيادة الشراهة في تناول وجبة الغداء وبيمنع من حدوث ركود في معدلات الحرق
● الكربوهيدرات
تناول الكربوهيدرات بيحتاج الي تنظيم علشان نقلل من السعرات الحراريه المرتفعه الموجودة فيها وبالتالي بنقلل من عوامل مسببة للسمنه وزيادة الوزن
وده بيحصل عن طريق تناول كميات قليله منها ومش لازم نمنعها نهائيا لاهميتها للجسم وتناول كميات من البروتين وبكده نقدر نزود من الحرق وبالتالي خسارة الوزن
● السعرات الحرارية
مصطلح متعارف عليه كمقياس للطاقة
وتختلف السعرات من الكربوهيدرات او الدهون للبروتينات
حيث تزداد ارتفاعا في الكربوهيدرات وتقل في البروتين لذلك يمكن استبدال الكربوهيدرات والدهون بالبروتين وده بيساعد في تقليل الشهية للاكل وبيرفع من كفاءة التمثيل الغذائي وزيادة معدلات الحرق
وفي سعرات حراريه صحيه في بعض انواع الفواكه والخضروات اللي بيزيد فيها احساس الشبع ويقل فيها السعرات الحراريه بعكس الحلويات مرتفعة السعر الحراري
● ممارسة الرياضه بدون دايت
دي معلومه مش حقيقيه لتقليل الوزن بشكل صحي علشان كده لازم اتباع نظام غذائي تحت اشراف طبي مع ممارسة رياضه مناسبه لتنشيط الدورة الدموية ورفع كفاءة التمثيل الغذائي .. وللحديث بقيه