مصر البلد الاخبارية
جريدة - راديو - تليفزيون

حلا شيحة ترد على والدها..اتجوزته بكامل إرادتى

0

كتبت – يارا البسيونى:

ردت الفنانه حلا شيحه على تصريحات والدها من خلال نشرها صورة لزوجها معز مسعود عبر حسابها الشخصى على إنستجرام قائله : “الحقيقة مصدومة من الكلام اللي والدي قاله عن زوجي اللي اتجوزته بكامل إرادتي والحمد لله لقيت معاه كل المعاني الجميلة من احترام ورجولة وشهامة نادرة الأيام دي وأنا لم يخطفني أحد كما قال والدي والكلام ده لا يصح أبدا.. أنا بحب زوجي وسعيدة بحبه ليا وبنحترم بعض ومعز بيحترم رأيي وبيقدر مشاعري وبالعكس هو دائما بيهدّيني. وطبعا بيساندني ويشجعني لأني زوجته وحبيبته وهو أكبر بكتير من كل الكلام اللي بيتقال عليه وافتراءات مش صحيحة وهو أبعد ما يكون عنها”.

قد يهمك ايضاً:

غالي يوجه الشكر إلى السفير المصري في تنزانيا

أكملت حديثها “لن أسمح لأحد الكلام عنه ولن أسمح بأي تصور خاطئ عنه بأي شكل من الأشكال، معز طول عمره له رؤيته الواضحة في الدين وحتى في الفن وهو ليس مع أي جماعة أو فئة معينة هو يمثل نفسه وله أفكاره وأراءه العلمية والدينية المختلفة الجميلة وليس لأحد أن يصنفه أو يضعه في أي قالب فقط لأن هواه لا يوافق ما يمثله معز”.

وأضافت الفنانه حلا “أنا زعلانة من والدي جداً لأنه يعرف معز كويس جدا وقعدوا مع بعض كتير ووالدي يحبه جدا وشاف منه كل خير.. معز زيي اتجوز ١٤ سنة من عمره وكان مستقر في حياته وعنده ثلاث أولاد ربنا يخليهم له.. وعمره ما كان بتاع ستات زي ما بيتقال.. كلام لا يليق أبدا.. معز زيي لم يكمل جوازه وحدث الطلاق، وكلنا معرضين لده، طبيعي إنه كان بيحاول زي أي راجل محترم إنه يلاقي استقرار في حياته في الحلال، ومتوفقش أكتر من مرة، ودي مش حاجة تعيب أي حد، والحمد لله اتقابلنا وتلاقينا لأن ظروفنا قريبة جدا وعندي أولاد مثله وأولادنا شبه بعض الحمد لله واستقرينا إحنا الاتنين ليه ده يزعل الناس بدل ما ندعي لبعض بالخير بقينا نتصيد لبعض، ونخوض في أعراض بعض”.

وأنهت حديثها قائلة: “في الآخر بوجه كلمة لوالدي الحبيب إن لا يصح أبدا كلامك مع كامل احترامي لك وللجميع.. أنا الحمد لله سعيدة في حياتي ومع زوج اتشرف إنه زوجي وبعتز بيه وإحنا اصدقاء قبل أن نكون أزواج، وكل كلمة اكتبها وقلتها نابعة مني وأنا متدينة بطبعي زي أي ست مصرية بتحب دينها وده لا يعيبني. وتديني اللي بدأ من أكتر من ١٥ سنة من المنطقي إن معز مش هو سببه.. مش محتاجة حد يخطفني أو يكتب عني أو يوجهني.. هذا كلام لا يليق.. دعوا الخلق للخالق وكل واحد يخليه في حاله.. وياريت نسمع من بعض بدل ما نسمع عن بعض.. أحسنوا الظن”.

التعليقات مغلقة.