مصر البلد الاخبارية
جريدة - راديو - تليفزيون

النفسية بعافية

11

كتبت-مني خليفة:

 

ليه في ناس بتقدر توصل وتحقق أهدافها وناس لا؟! ليه دايما بحس بالفشل والاحباط رغم المحاولات المستمرة للنجاح، ازاي اكتب اهداف علي ورق واقدر احققها علي أرض الواقع؟! اسئله كتير بتدور جوانا عن الشغف وصناعة الأهداف،وخلينا نقول أن مفيش إجابة شافية لاسئلتنا دي!! ،بس خلينا تستعرض بعض الأسباب واللي ممكن تشكل إجابة في نهاية المقال.

قد يهمك ايضاً:

تحليل سوات والحياة اليومية للمواطن

انور ابو الخير يكتب: لا شيء يستحق الحداد

١/التجارب أو البرمجة السابقة:مع كل تجربة أو مرحلة جديدة بيصاحبها مشاعر وانفعالات زي الخوف والغضب أو الفرح ..المخ اتوماتيك بيفتح ملف باسم الاحساس او الشعور ده زي ملفات الكمبيوتر بالظبط ، مثال :موقف اتعرضت فيه لخوف شديد ،المخ بيسجل الموقف والشعور ويستدعيه في اي موقف مشابه، وده بيفسر فرحنا أو خوفنا أو قلقنا من مواقف أو أشخاص أو احداث بنقابلها جديد .

٢/منطقة الامان:ودي ممكن بتكون ( وظيفة مش ناجح فيها،علاقة عاطفية سامة،روتين،صداقة او محيط اجتماعي محبط)هنا بنخاف كلنا من المخاطرة أو الخوف من الفشل أو نظرة المجتمع، فنأجل القرارات المهمة

٣/الثقة بالنفس:احساسنا بالثقة بالنفس مرهون بإحساس النجاح والقدرة علي الانجاز،لاحظ الرسائل اللي بتغذي بيها عقلك الباطن واعرف نفسك ..قدراتك ومواهبك وامكانياتك . والحل..انك تختار قدوة أو نموذج سبقك بخطوات وقدر يحقق نجاح في مجالك وده يوفر عليك سنين من الخبرة والتجربة والأخطاء وهتتعلم بالتجربة العملية مش النظرية بس،اي هدف لازم يجاوب علي ٣ اسئله ( ليه؟!ازاي؟!امتي؟!)،(ليه) اي هدف أو حلم لازم اسباب تدعمه وتدعمك انت في لحظات القلق واليأس ،اسباب واقعيه تكون قادر علي تحقيقها،( ازاي)؟! وده الجزء المتعلق بالمهارة اللي هتوصلك لهدفك مثال :عايز اشتري عربية ده هدف..اتعلم السواقة دي المهارة بمعني الاتنين بيكملوا بعض. ( امتي)؟!هنا بقي نقول إن الزتونة في تعلم المهارة مش بيكون في يوم وليله يعني لازم تتقن المهارة عشان توصل لهدفك، وخليك فاكر أن في فروق فردية بنا في اكتساب المهارات والخبرات..واخيرا خطوة بسيطة كل يوم تجاه هدفك كفيلة تغير حياتك.

اترك رد