مدعوم من 
” الاختيار 3 ” أحداث الحلقة 22 … ” أصالة أبناء أرض الفيروز “
كتبت_ سارة عبدالدايم :
ويعد المشهد الذي دار بين ” الشيخ أحمد ” و ” خيرت الشاطر ” من أهم المشاهد التي تبرهن عن أصالة أبناء” أرض الفيروز ” والذي قام به ” الشيخ أحمد ” الذي يمثل شيخ القبيلة السيناوي الذي يدافع عن الأرض والعرض مقابل أي معتدي سواء كان هذا المعتدي من داخل البلاد أو خارجها فدماء أهل سيناء تروي أرضها الطيبة .
وشهدت الحلقة حوار دار بين” الشيخ أحمد ” وخيرت الشاطر ”
الشيخ أحمد: “مش أنا اللي عملت المشاكل إنتوا إللي عملتوها ووقفتوا كل شغل الشركات التانية علشان شركات الإخوان هي اللي تشتغل.. يااا الشغل يرجع لأهل سيناء ياولا حد منا هنشتغل لا إنتوا ولا إحنا”.
خيرت الشاطر: “ما شاء الله عليك زي ما حكولي دوغري وصريح وقلبك ميت”.
الشيخ أحمد: “وأزيدك من الشعر بيت.. إللي يقرب من أكل عيشنا نقطم رقبته.. أهل سيناء مبيخافوش إلا من إللي خلقهم بس”.
خيرت الشاطر: ونعم بالله، طب بقولك إيه ياشيخ أحمد إيه رأيك لو نتشارك إنت وإحنا؟”
الشيخ أحمد: “إحنا مين؟”
خيرت الشاطر: “إنت تبقى معايا في شركات”
الشيخ أحمد: “ماتقول كدا من الأول، قول خدولكم قرشين وتبيع أهلك وناسك.. أظن إللي حكالك عني ميعرفنيوش وأظنه مش من أهل سيناء، علشان كل أهل سيناء عارفين الشيخ أحمد اللي مش ممكن يبعهم”
خيرت الشاطر: لا إللي حكالي حكى كل حاجه.. صلي بينا على النبي، أنا عايزك معانا في شغل المقاولات في البداية، في شغل تاني الحدود واللي بيعدوا الحدود عايزينك تبقى الراجل بتاعنا هناك وفيها مصلحة كويسة”.
الشيخ أحمد: “إحنا اللي بيغلط عندنا غلطة بنطرده ويظل بلا قبيلة لو كانت غلطة صغيرة بس لو كانت غلطة كبيرة قبيلته أولى بدمه نذبح بس ما بندفنه بالأرض الطاهرة بندفنه برا أرض الفيروز”.
قد يهمك ايضاً:
خيرت الشاطر: “إنت ليه واخد مننا موقف؟”
الشيخ أحمد: “لا أنا مش واخد موقف بس انتوا اللي مشقادرين تفرقوا بين السياسة والشغل، هقولك نصيحة مهما لفيت ودورت، سيناء هتفضل مصرية لا إخوانيه ولا غيره ولو فكرت تجوني بالعنف والله كنتوا ريحتوني من هذه القعدة والمشوار”.
أحداث الحلقة 22 من مسلسل “الاختيار 3”
شهدت أحداث الحلقة 22 من مسلسل “الاختيار ٣”، اعتراض خيرت الشاطر على خطبة وزير الدفاع الفريق أول عبدالفتاح السيسي في المصريين أثناء احتفالية الفنانين بأعياد سيناء
وقال خيرت الشاطر (خالد الصاوي) خلال الحلقة: “ما عجبنيش ظهور وزير الدفاع والكلام اللي قاله في الاحتفالية الأخيرة، الكلمة ليس بها أي تهديد لنا أو فيه شيء يدبر ضدنا، بس اللي خايف منه المقارنة”.
وأضاف “الشاطر”: “الناس هتقارن بين كلام وزير الدفاع ورئيس الجمهورية، والكلام اللي بيقوله في أي مناسبة، وبصراحة المقارنة مش في صالحنا”.
أبطال مسلسل ” الاختيار 3 ”
ويشارك في بطولة الاختيار 3 مجموعة كبيرة من النجوم، أبرزهم الفنان أحمد عز وكريم عبد العزيز، وأحمد السقا، وخالد الصاوي، ومحمود البزاوي، وسمر مرسي، ومجدي فكري، وبيومي فؤاد، وصبري فواز، وإيمان العاصي، وآدم الشرقاوي، ودنيا المصري، وعصام السقا، ومحمد رياض، وهشام إسماعيل، وعبد العزيز مخيون، وهو من تأليف هاني سرحان وإخراج بيتر ميمي.
القنوات الناقلة
يعرض مسلسل “الاختيار 3” في رمضان 2022 الجاري، على قنوات ON، إلى جانب طرحه على منصة WATCH IT
التعليقات مغلقة.