مدعوم من 
أسلوب حياة
بقلم – محمد البنا
قد يهمك ايضاً:
مشاعري مش آية ف كتاب
ولّا فضفضة
ولا نبضي ينفع للوضوء والمضمضة
مخلوق كده
بيني وبين السفسطة ميت الف باب
لون السحاب انا باعشقه ساعة المطر
واسمع غنا
وارسم مشاعري على الحيطان
دراعين وحاضنين السما
القلب عاشق انما
ملهوش ف ليه وازاي وكان
انا من زمان طبعي كده
والروح كمان متعودة
ع الرحرحة والبغددة
قلبي يمام
لا حسبها يوم ادينا ايه ولا خدنا كام
يعني ببساطة مفيش جراح
راح اللي راح والجي جي
والضي عمره ما ينقلب طول ما اسمه ضي
عاجبك حياتي اتقدمي من غير وضوء
طهر القلوب مش مس مي ولا هرتلة
والعشق مش بالبهدلة
العشق كونك فيا انا….كوني انا ونا هاقبلك
ليّا …حياة