مدعوم من 
لو حنينك
بقلم – محمد البنا
قد يهمك ايضاً:
رسّى غربة شوق سنينك
فوق رمال شطي العنيد
شطي مش صندوق بريد
ترمي فيه أشواق وتمشي
رمشي مش أوتار لعود
تعزفي همسك بريشتي
قلبي مش لوحة لدافنشي
قلبي كان طاقة بارود
كامنة فيه الرغبة نار
وانهيار جبل الجليد
مش دليل
إن مسموحلك تخشي
أو تلمي النبض منه
وم الوريد
تفرديه سجاد صلاة
قلبي أه لو قال بحبك
صدقيه
بس لزمن تبقي عارفة
إن قلبك مستحيل
يوم يشوف البحر تاني
ّ…………………..
من ديوان ( جوه الحلم )