فن وثقافة

كورونا يصيب الفنان محمد صلاح

تعرض الفنان المصري محمد صلاح للإصابة بفيروس كورونا وتم حجزه بمستشفى صدر العباسية .

وكان الفنان  محمد صلاح قد أعلن أمس الأحد إصابته بفيروس كورونا المستجد، المسبب لمرض “كوفيد –  19” بعد إجراء التحاليل والفحوصات .

وكتب  محمد صلاح: “بكتبلكم وأنا على سريري في مستشفى صدر العباسية وبعد عمل أشعة مقطعية على الصدر، اللي أكدت أني مصاب بالوباء اللعين وقالولي تأخرت ليه”.

وتابع، على “فيسبوك”: “يمكن تكون آخر كلمات ليا في الدنيا دي… اترددت كتير بس لقيت نفسي مش قادر وبكتب.. لأني حسيت إحساس غريب.. حسيت إني مش خايف من الموت.. انا خايف أني أموت قبل ماشوف النجاح”، مضيفا: “استغربت وقولت لنفسي إنت مش خايف من الموت ؟؟؟ قولت والله لا.. أنا خايف أموت قبل ماشوف نجاحي.. بلدنا بقى الحلم فيها.. إنك بس تشتغل.. إنت بس بتحاول طول الوقت إنك تشتغل.. وتخبط على البيبان وكل البيبان بتتقفل في وشك”.

وقال الفنان المصري: “شباب في أول عمرهم وشباب بقوا رجال ورجال أصبحوا كهول وبنات وسيدات موهوبين خريجي المعاهد والكليات الفنية وما وقفوش أمام كاميرا.. واللي هاجر واللي اكتئب واللي انتحر.. أجمل مافي الوجود الحلم والطموح وأقبح مافي الوجود عدم تحقيق الحلم أو الطموح ده”.

الفنان محمد صلاح
الفنان محمد صلاح

وأضاف: “ارجوكم يا اصحاب الاختيار في شركات الإنتاج من المخرجين ومساعديهم او مديري الإنتاج أو المنتجين الفنيين او المشريفين على الانتاج او أصحاب الورش الفنية أو الكاستينج دايريكتور أو صاحب المنتج الفني أو أو .. الموهوبين في مصر كتيييير واللي ضيعوا عمرهم في حب الفن ودراسته سنين كتييييير لكن معندهمش واسطة ولاصاحب ولا قريب مخرج ولا منتج ولا منتج فني ولا ابن نجم برضه كتييييير قوي .. ”

وقال : “انا كل اللي بتمناه العدل .. أن الموهوبين دول ياخدوا فرصة من الفرص الكتيييير قوي دي .. معرفش ازاي ممكن يتحط النظام .. اللي بيه كل الموهوبين الدارسين أعضاء نقابة المهن التمثيلية ياخدوا فرصة .. واللي يثبت نفسه يكمل واللي مايثبتش نفسه الجمهور هايقول عليه لا .. بس بعد ما يكون اخد الفرصة .. فكرت ولقيت ان انسب حل .. وانا يمكن ماحضرش تنفيذه أو حتى الموافقة عليه .. هو عمل بروتوكول ملزم بين الدكتور اشرف ذكي بصفته نقيب فنانين مصر ورئيس اكاديمية الفنون المصرية .. على فكرة #اكاديمية_الفنون في #امريكا هي اللي بتمنح جائزة #الاوسكار ..والأستاذ تامر_مرسي Tamer Mursi بصفته رئيس مجلس إدارة الشركة المتحدة للخدمات الاعلامية اكبر وأهم شركة انتاج في الشرق الأوسط .. وانا عندي ثقة عظيمة في احساسهم وتفانيهم في حب عملهم وحب مصر .. وطبعا بعد كده ممكن كل شركات الانتاج والمخرجين يمضوا ويفعلوا نفس البرتوكول .. واللي لازم الجميع يتفق على بنوده و صياغته .. وانا عندي ثقة كبيرة في كل القائمين على هذه الصناعة الكبيرة والعظيمة وفي قائدنا الحكيم المخلص السيد الرئيس_عبد_الفتاح_السيسي اللي اكيد هايرحب بالعدل أو شكل من أشكال تحقيق العدالة .. ويارب لو اتحقق الحلم ده .. وكنت يعني لاقدر الله مت ابقى مت وانا مستريح وسيبت لاولادي مايفخروا بيه.

والفنان محمد صلاح ممثل أول وزارة الثقافة المصرية ،وخريج أكاديمية الفنون المعهد العالي للفنون المسرحية قسم التمثيل والإخراج بتقدير جيد جدا.

 

بكتبلكم وانا على سريري في #مستشفى_صدر_العباسية وبعد عمل أشعة مقطعية على الصدر اللي أكدت اني أصيبت بالوباء اللعين وقالولي…

Publiée par ‎محمد صلاح‎ sur Samedi 4 juillet 2020

احصائيات كورونا في مصر اليوم
12

الوفيات الجديدة

الحالات السلبية

167

الحالات الجديدة

6211

اجمالي اعداد الوفيات

98981

عدد حالات الشفاء

106707

اجمالي اعداد المصابين

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى