مصر البلد الاخبارية
جريدة - راديو - تليفزيون
رئيس مجلس الإدارة: السيد حمدي   رئيس التحرير: كمال سعد
رئيس التحرير التنفيذي: خالد عامر

قصة كفاح ..السيدة نجاح الأم المثالية الأولى على محافظة المنيـا

 السيدة  نجاح عبد المجيد جلال محمد ،٦٨ سنة  تزوجت نجاح عام 1982 ورزقت من زواجها بولدين وبعد ٨ سنين تزوج الزوج بأخرى وأراد طلاقها ولكنها رفضت بسبب خوفها على ولادها وعاشت في بيت أهلها .

 توفى ابنها الصغير وهو عمره سنة ونصف وبعد كده انفصلت عن زوجها وأبرته من جميع حقوقه.

ورجعت نجاح مع ابنها لأهلها ولكنهم رفضوا إنه يعيش معاهم ، فرفضت الأم ولجأت لمحكمة الأسرة توفر لها سكن لها ، وبالفعل المحكمة فرضت على زوجها توفير إيجار غرفة بمنزل مشترك مقابل 18 ج شهريا .

 ورضيت نجاح بالوضع ده علشان تقدر تربي ابنها وتحافظ عليه وواجهت كل المضايقات والمتاعب في سبيل راحة ابنها ومستقبله ، واتعلمت الخياطة وتربية الطيور عشان تبيعها وتصرف على ابنها ، وقدرت تحصل على معاش مطلقات من الشئون الاجتماعية بقيمة ٥٠ جنيها.

وكان لنجاح نصيب كبير من اسمها ، وبعد تعب السنين قدرت توصل باابنها لأرفع المناصب والولد اللي أبوه رفض إنه يعيش معاه بقى دلوقتي وكيل نيابة وحاصل على ماجستير في القانون وفي مرحلة التحضير للدكتوراه وبقا يفتخر إنه ابن نجاح عبد المجيد ، السيدة الصابرة الشجاعة الناجحة ، واللي رغم معاناتها من أمراض القلب والضغط لكنها مكملة في مسيرتها وعطاءها.