مصر البلد الاخبارية
جريدة - راديو - تليفزيون

الشاعر الكبير محمد الشحات محمد يكتب بالعاميّة “كده كفاية”

9

كده كفاية
شعر/ محمد الشحات محمد

كده كفاية ..
كفااية انك بتاخدي الشهقة من حلقي ،
ومن حقي السلام ، حقي
صحيح أنا كنت متعلق بقشااااية ،
كإني غريق ومربوط جوه مشاية ..
وكنت انت اللي بتزقي ..
صحيح وردك شجر جميز ،
وحلمك شوك في ضهر عزيز !
صحيح بتحني أحيانا ،
وتدي الكلمة زي الدوم
ومين هيدوم؟
صحيح أنتي اللي رشة الفرحة في الحواديت
لكن برضه انتي حلق الباب
متخديش ع السمار والغاب

قد يهمك ايضاً:

لاتدنو من مواجعنا

مفيش في القلب غير أبهر ..
وأنت الأبهر التاني ..
كده كفاية الحرنكش داب
وسنة اتبدلت بالناب
ولسه ف قايمة الأحباب ،
كتير ، حتى اسألي التبديد!
ورغم المحضر اتقطع ..
ورغم اللعبة إياها
وضحكة ف تلتميت ٱهه
ورغمك أنتي يا حرة
بحبك عشرميت مرة
يا مونيا الروح ..
يا طعم الصوم في أحلامي
يا جوايا برموش بره
ودايما أنت أدامي ..
مفيش غيرك
ولو رجع الزمان تاني
مفيش لو .. ٱٱٱه ..

أقول لك إيه ..
في دكاني الكلام متباع على النوتة ..
وع النوتة الكورال غنى ..
لكن زمن الجمال ماضي
سلام دلوقتي مش فاضي
عشان عندي الهوا استوديو ..
بامثل دور مهوش دوري
ورافع لاي بدون مبسم ..
ومااشة قلبي ماسكاني ،
كأني الولعة وانت بشوق حجر تفاح
ومش مرتاح ..
لأن الذوق مينفعش ف زمن شيشتك
ياريت تفتكري يوم شفتك ،
وخدتك يوم ما فيشتك وحبشتك ،
فردتي لي .. ارتكبتك موت
و دي جناية بريموت هاشتك
أقول لك إيه؟
كده كفاية .

اترك رد