مصر البلد الاخبارية
جريدة - راديو - تليفزيون
رئيس مجلس الإدارة: السيد حمدي   رئيس التحرير: كمال سعد
رئيس التحرير التنفيذي: خالد عامر

الأم المثالية الأولى على محافظة بني سويف ..نموذج للكفاح والصبر

كتبت – نهلة مقلد:

فاتن الشناوي الأم المثالية على محافظة بنى سويف نموذج للكفاح و للصبر ، رزقت بولد و بنت و قدرت تخليهم نماذج ناجحة فى المجتمع.

بدأت كفاحها لما توفى الزوج و كان ضابط شرطة ، فى الوقت ده كان ابنهم الصغير لسة جنين وبقت هى الأم والأب والسند ليهم.

 قررت تشتغل علشان تزود دخل الأسرة و فعلا اشترت ماكينة لخياطة  الملابس، وبعد سنتين من وفاة زوجها واجهت عم الأبناء اللي كان عايز تكلفة بناء الشقة اللى عايشين فيها رغم إن البيت يمتلكه الجد.

 وبعد 7 سنوات في القضاء تم الحكم على الأم  بسداد المبلغ بتقرير خبير المحكمة، لكنها قررت تكون وراء حق أولادها للنهاية و بعد مرور 26 سنة بعد إرهاق نفسى و مادى  قدرت الأم الصبورة  تحصل على حقها و حق أولادها  فى الميراث

 وقدرت تخلى أولادها  ينجحوا فى مسيرتهم التعليمية.

 وتخرجت البنت الكبيرة من كلية طب و حصلت على امتياز  مع مرتبة الشرف و الإبن  الصغير تخرج من كلية طب أسنان  و بيشتغل فى وزارة الصحة.