أميرة القلوب “ديانا”وقصة الطرف الصناعي

بقلم مني خليفة:

الفرق ما بين الصورتين حوالي ٢٢ سنة ،
سنة ١٩٩٧ ومن بين كل الأطفال اللي كانوا موجودين تعلقت الأميرة ديانا أثناء زيارتها الشهيرة لأنجولا بساندرا وقصتها ،
وظلت متابعة خطوات أختيار الطرف الصناعي المناسب ليها ،
تحولت البنت الخجولة لبنت بتتكلم وبتتفاعل مع كل زيارة لديانا (حتى الزيارات الغير معلنة واللي مش متصورة)
البنت دي هي صاحبة الصورة الأشهر مع ديانا لأنها كانت عفوية جدا وتعابير ديانا كانت “جميلة” ….
ساندرا ساعتها كان عندها ١٥ سنة ،
والسنة دي وأثناء زيارة الأمير هاري لأنجولا
وفي لفتة فيها قدر كبير من “روح” ديانا
قابل هاري ، ساندرا الطفلة اللي كبرت
وبَقى عندها ٣٨ سنة
الطفلة اللي إتجوزت وخلفت  بنت
سمتها “ديانا”.