مصر البلد الاخبارية
جريدة - راديو - تليفزيون
رئيس مجلس الإدارة: السيد حمدي   رئيس التحرير: كمال سعد
رئيس التحرير التنفيذي: خالد عامر

أجر حسرة ليل

بقلم – فوزي سامرائي حوفي.. العراق

أجر حسرة ليل

على خد صحن مرمر

وأقول يمته ألوصل

 علقم زردومي تمرمر

شامة على الخد

تثير مخاليق ألثلج

نار وريدي جمر

الناس تحس برد

وآنه اصب ماي الملح

بلاشمس أحس بحر

حر صدك وجفاك

ما أدي هذا طبع بيك

ما أدري بحلاتك مغتر

ألعيون خضر والوجه نور

والحاجب لمعة سيف

على رقبتي صاح الله واكبر

قد يهمك ايضاً:

هواجس عابرة

قرار هجرة

يصير الورد يذبل بالربيع

حن ياحلو كلك نظر

حيرتني بسكتاتك

يا مسرح شعر أشقر

الزلف مشنقة عشاق

بظله أنذر وأنحر

لو ترضه بوعد تواعدني

الليلة نكون أصحاب

بين النهد والزيج أتمرجح

قلادة ذهب للاحباب

رغبة بنفسج تفتح

خل عينك بعيني من تسولف

تدري روحي بكفوفك تفرح

وتصب عرق نشوان

خليني بخيال وياك أسرح

بس قول أحبك

ياهمسة فرح ياطعم شفلح

( شفلح، نبات طبيعي بجزيرة سامراء، ينبت في شهر آذار ونيسان أحمر اللون لذيذ الطعم).